ಸರಿಯಾಗಿ ನೆನಪಿದೆ ನನಗೇ...
ಸರಿಯಾಗಿ ನೆನಪಿದೆ ನನಗೇ , ಇದಕೆಲ್ಲ ಕಾರಣ ಕಿರುನಗೆ ,
ಮನದ ಪ್ರತಿ ಗಲ್ಲಿ ಒಳಗು, ನಿನದೆ ಮೆರವಣಿಗೆ,
ಕನಸಿನ ಕುಲುಮೆಗೆ ಉಸಿರನು ಊದುತ, ಕಿಡಿ ಹಾರುವುದು ಇನ್ನು ಖಚಿತ ..
ಸರಿಯಾಗಿ ನೆನಪಿದೆ ನನಗೇ , ಇದಕೆಲ್ಲ ಕಾರಣ ಕಿರುನಗೆ ....
ಕಣ್ಣಲ್ಲೇ ಇದೆ ಎಲ್ಲ ಕಾಗದ, ನೀನೆ ನನ್ನಯ ಅಂಚೆ ಪೆಟ್ಟಿಗೆ,
ಏನೇ ಕಂಡರೂ ನೀನೆ ಜ್ಞಾಪಕ, ನೀನೆ ಔಷಧಿ ನನ್ನ ಹುಚ್ಚಿಗೇ ,
ತೆರೆದೂ ನೀನು ಮುದ್ದಾದ ಅಧ್ಯಾಯ ,
ಸಿಗದೇ ಇದ್ರೆ ತುಂಬಾನೇ ಅನ್ಯಾಯ ,
ನನ್ನಯ ನಡೆ ನುಡಿ ನಿನ್ನನ್ನೇ ಬಯಸುತ,
ಬದಲಾಗುವುದು ಇನ್ನು ಖಚಿತ ....
ಸರಿಯಾಗಿ ನೆನಪಿದೆ ನನಗೇ , ಇದಕೆಲ್ಲ ಕಾರಣ ಕಿರುನಗೆ ....
ನಿನ್ನ ನೃತ್ಯಕೆ ಸಿದ್ಧವಾಗಿದೆ ಅಂತರಂಗದ ರಂಗ ಸಜ್ಜಿಗೆ ,
ನಿನ್ನ ನೋಡದ ನನ್ನ ಜೀವನ ಸುದ್ದಿ ಇಲ್ಲದ ಸುದ್ದಿ ಪತ್ರಿಕೆ ,
ಸೆರೆ ಸಿಕ್ಕಾಗ ಬೇಕಿಲ್ಲ ಜಾಮೀನು ಸರಸಕ್ಕೀಗ ನಿಂದೇನೇ ಕಾನೂನು,
ತೊರೆಯುವ ನೆನಪಲಿ ಇರುಳನು ಕಳೆಯುತಾ ,
ಬೆಳಗಾಗುವುದು ಇನ್ನು ಖಚಿತ.....
ಸರಿಯಾಗಿ ನೆನಪಿದೆ ನನಗೇ , ಇದಕೆಲ್ಲ ಕಾರಣ ಕಿರುನಗೆ ....
No comments:
Post a Comment